主页 > D宅生活 >$99任 唱K ! Red Mr. VS Neway 学生优

$99任 唱K ! Red Mr. VS Neway 学生优

几时都话做学生最好,除咗要读书⋯⋯不过最近DSE就考完,唔洗考DSE嘅都就放暑假,学生最开心嘅日子黎啦,要享受下青春嘅盛夏,当然要去唱K狂欢一下!香港两间K房,Red Mr同Neway,见就快暑假都接连推出优惠吸学生,同样推出$99任唱超过6粒钟既超级优惠,究竟去边间好?边间抵啲?边间仲有额外优惠?等我地同你分析下啦!

Red Mr. VS Neway 唱K 大比拼

$99任 唱K ! Red Mr. VS Neway 学生优$99任 唱K ! Red Mr. VS Neway 学生优

$99任 唱K ! Red Mr. VS Neway 学生优

1. 分店地点

Red Mr. : 旺角店、铜锣湾店、观塘店

Neway :观塘apm Neway,、九龙湾MegaBox

无错,优惠唔係间间分店都有,而有优惠嘅分店,Red Mr.比Neway多啲,有3间可以去唱。相比之下Neway就少啲啦,得2间,而且地点集中係九龙,而Red Mr.就港岛同九龙都有,而且旺区旺角都有,真係食完饭想唱都可以即兴去唱k!所以讲地点Red Mr. 胜!

2. 价钱

Red Mr.:所有优惠分店 $99/位

Neway:观塘apm Neway ($99/位) ,九龙湾MegaBox CEO ($109/位)

优惠价钱其实已经平正价好多,好抵唱,但比较下,都係Red Mr. 抵啲,因为无论你去边间唱都可以有每位$99嘅优惠,但如果Neway 要去九龙湾MegaBox CEO唱,价钱就会变成$109,贵咗$10,所以讲价钱Red Mr. 再胜!

3. 优惠日期

优惠适用日期两间都一样,逢星期日至三就可以唱,如果要番工番学,时间当然就唔係好啱啦,但如果放紧假就唔同啦,几时都得啦!所以今次打和!

4. 唱K时间

Red Mr. :11:30 p.m. – 6:00 a.m.

Neway:11:00 p.m. – 6:00 a.m.

唱K时间两间都係唱到场朝早6点,但开始时间就Neway早啲,11点就唱得,早过Red Mr. 半个钟!唔好睇少呢半个钟,半个钟可以唱多10首歌!Neway 可以唱足7个钟,Red Mr. 少半个钟,得6个半钟,所以今次Neway 赢一次!

5. 小食及饮品

净唱K咁闷,梗係要食少少嘢,Neway 就有小食同啤酒优惠《密密食 – 免费热辣辣小食》4个人可以有免费炸鸡或芝士炸薯条一客,8个人可以有两客,如此类推,仲有《密密饮 – 免费啤酒》4个人可以有免费推广啤酒4支,5个人就有5支,如此类推。但係Red Mr. 就只有焦糖爆谷同2杯饮品,论小食Neway 再胜!

$99任 唱K ! Red Mr. VS Neway 学生优
参考图片
$99任 唱K ! Red Mr. VS Neway 学生优
参考图片

6. 额外优惠

Neway 唱K ,依家有送$100 UBER 乘车优惠,唱完K可以Call架Uber到楼下接你番屋企,3位有1个discount code,6位有2个discount code,唔怕唱完K无车番,或者要不停转车番屋企!

Red Mr. 就可以出示有效学生証就有 KKBOX 14天免费体验,唱完K唔够喉可以番屋企继续听!不过优惠数量有限,送完即止喎!

额外优惠各有优胜,所以都打和啦!

总结:讲地点、价钱就Red Mr.好啲,如果唱K时间同小食就Neway,优惠日期、额外优惠两间都差唔多!不过如果咁啱睇完最近五月天演唱会,想唱五月天新歌就要去Red Mr. ,但想歌香港歌手新歌就要去Neway啦!

Neway 优惠详情

Red Mr.优惠详情

相关推荐